Community Outreach Serbisyo Caravan gipahigayon sa barangay Lingasad lungsod sa Polanco nga gidumala sa LGU sa maong lungsod. Subay sa maong kalihukan, pormal nga gi turned-over ang 100 percent completed project nga usa ka electronic learning hub. Ang maong proyekto gitunol ngadto sa Polanco district 3 nga gidawat mismo ni district supervisor Carina Piamonte.
Ang maong kalihukan gipahigayon mismo sa Lingasad Central School. Nasayran nga ang maong proyekto gipatuman sa LGU Polanco sa pag pangulo ni Mayor Evan Hope Olvis, kauban ni Vice Mayor Alfredo Bait-it ug mga konsehales nga maoy nag pahat sa pundo para na sa local school board fund sa fiscal year 2020 nga nagkantidad sa usa ka milyon ka pesos.
Tungod niini, dako ug kinasing-kaksing ang pasalamat ni district supervisor Piamonte ngadto kang mayor Olvis sa pag hatag sa nashisgutang proyekto. Diin kini dako og ika tabang sa mga magtutudlo sa panahon nga adunay research. Ug ilabi na ngadto sa mga magtutungha nga makat-on sila kay kini paga butangan man sa mga computers alang sa ilang pagtuon.
Sa mensahe sa mayor, dako iyang pasalamat sa labaw’ng makagagahum nga Dios sa pag giya niini aron maka hatag na usab og laing proyekto ang lungsod sa Polanco nga usa ka learning hub nga nag pahatat og usa ka milyon ka pesos matag building alang sa tulo ka districts sa Polanco.
