Na-engkwentro na usab sa tropa sa 97th Infantry “KALASAGLAHI” Battalion (97th IB) ug 42nd Infantry “TAGAPAGTANGGOL” Battalion (42nd IB), ang gibana-banang 15 ka armadong miyembro sa rebeldeng Communist-Terrorist- Group (CTG) sa hilit nga utlanan sa Barangay Melad ug Linabo sakop sa Lungsod sa Polanco, ning probinsya sa Zamboanga Del Norte, kagahapon sa hapon.
Milungtad sa 25 minutos nga panag-gubat, nga miresulta sa pagkakaplag sa mga buhing bala, medical paraphernalia, pagkaon, ug personal nga mga butang gikan sa mga rebelde, human misibat-agi sa kagulangang bahin sa nahisgutang barangays sa unahan.
Ang maong mga rebelde giila sa militar nga myembro sa Guerilla Front Big Beautiful Country (GF BBC), salin sa teroristang grupo sa Western Mindanao Regional Party Committee (WMRPC) sa Zamboanga Peninsula.
Sa mensahe ni Lt. Col. Nolasco B Coderos Jr., Commanding Officer sa 97th IB, nga natigayon Ang maong engkwentro, human mitaho ang usa ka nagpakabanang mag-uuma nga adunay mga tawo sa iyang umahan nga nangayo og pagkaon, salapi ug impormasyon kabahin sa tropa.
Dugang pa ni Lt. Col. Coderos, nga nagpakatap na og dugang tropa aron paggukod og pag-trap sa mga terorista, aron pagpakgang sa ilang mga daotang Plano og paghasol sa mga katawhan.
Matod pa ni Lt. Col. Coderos, nga susamang teroristang grupo ang nakaengkwentro sa tropa sa 53rd Infantry “MATAPAT” Battalion sa may utlanan sa Dumingag, Zamboanga del Sur ug Sergio Osmeña Sr. Zamboanga del Norte, kaniadtong Nobiyembre 18 ning tuig.
Gikataho mga Wala ray nakalas sa habig sa gobyerno ug wala pa usab matino sa habig sa mga terorista.
Sapagkakaron Ang hugpong pwersa sa gobyerno nga gilangkuban sa AFP ug PNP, padayon sa pursuit operation batok sa mikagiw nga mga rebelde.
(News and photo courtesy of 97th IB Del Pilar Piñan Zamboanga del Norte)
