Duha ka dagkong pasidungog ang nakab-ot dili pa lang dugay sa lungsod sa Polanco. Kini human pormal nga gihatag ni Regional Director Faisal Abutasil, CESO III sa Department of the Interior and Local Government kun DILG, ang duha ka certificates diha na sa pag ila sa duha ka local government unit nga nakakuha ika napulo nga puwesto sa tibuok rehiyon nueve.
Aduna kiniy 98.2 porsiento sa insaktong pag patuman sa locally funded projects nga gina assess sa subaybayon system sa bulan sa September, 2021. Ang maong certificates gihatag niadtong Oktubre 11, 2021.
Ang ikaduhang pasidungog nga nakab-ot sa susama ra gihapon certificates, mao ang pag ila sa local government unit sa Polanco nga naka kuha sa ikapito nga puwesto tibuok rehiyon nga may 99.21 porsiento sa tukmang pag patuman sa mga locally funded projects nga gina assess gihapon sa subaybayan system sa bulan sa Oktubre.
Ang nahisgutang certificates isip pasidungog gihatag kaniadtong November 8 sa miaging tuig.