Giturn-over sa Cebu Provincial Government ang ₱15.1 milyon nga financial assistance ngadto sa Toledo City alang sa pagpaayo sa City Hall ug pagsuporta sa mga kalihokan sa siyudad.
Gitunol ni Gov. Pamela Baricuatro ang tulo ka tseke ngadto kang Toledo City Mayor Marjorie Perales kagahapon Agosto 17 sa Toledo City Sports Complex. ₱13 milyon ang alang sa pagpaayo sa City Hall, ₱2 milyon para sa Pasidungog sa Pagtuo, ug ₱100,000 para sa Pasundayag nga kalihokan.
Samtang, 500 ka biktima sa Bagyong Tino nakadawat og ₱10,000 matag usa, o ₱5 milyon sa kinatibuk-an, dugang ang 10 kilos nga bugas gikan sa national government pinaagi sa Provincial Social Welfare and Development Office.
Naghatag usab ang probinsya og ₱850,000 sa upat ka barangay sa Toledo—Canlumampao, Don Andres Soriano, Carmen ug Awihao—alang sa ilang mga proyekto sama sa water system, pathways, sports equipment ug uban pang gamit.
Gihatagan usab og agricultural tractor ug uban pang kagamitan ang Toledo. Sa Balamban, ₱400,000 usab ang gitunol sa barangay Nangka ug Bayong alang sa ilang mga proyekto sama sa material recovery facility ug pagpalit og mga gamit sa barangay.
I via Renante Socia Lada