Cebu City – Gibutyag ni Lapu-Lapu City Mayor Junard Chan nga mosuwat kini ngadto kang Secretary Karlo Nograles aron pag apela sa desisyon sa Inter-Agency Task Force (IATF) nga naglakip sa Syudad sa Lapu-Lapu ubos sa Alert Level 3, Biyernes, Enero 7, 2021.
Matod ni Chan nga ang Assistant Head Nurse sa City Hospital nasayop kini sa report labot sa gidaghanon sa mga occupied beds sa tambalanan sa syudad.
“Iyang na submit nga puno ang atoang hostpital beds sa Covid-19 (patients), so siyempre kung ikay IATF, ma alarma jud ka,” pasabot ni Chan.
Sigon pa sa mayor nga ang dakbayan mipahigayon na ug imbestigasyon labot sa rason sa nahisgutang sipyat.
Kagahapon gi anunsyo sa Malacanang nga ang dakbayan sa Lapu-Lapu lakip sa siyam ka syudad ug lima ka probinsya nga gibutang sa Alert Level 3 gikan sa Enero 9 hangtud sa 15, 2022, nonot sa pagbalik ug saka sa mga kaso sa Covid-19.
Apan giklaro ni Dr. Mary Jean Loreche, chief pathologist sa Department of Health Central Visayas nga walay Omicron variant nga na detect sa syudad sa Lapu-Lapu.
Gitataw kini ni Loreche human ang syudad nalakip sa Alert Level 3.
Gipasabot sab niini nga dunay sayop sa encoding sa numero.
“The admissions in Lapu-Lapu City hospitals are non-Covid,” sigon pa ni Loreche, ug dugang pa niya nga subject kini sa pag-apela ug reconciliation sa data.
Dugang pasabot ni Loreche nga ang alert level gi base sa report sa critical utilization rate sa hospital sa dakbayan.
As of Enero 6, ang syudad dunay 20 ka mga actibong kaso sa Covid-19.Gitan-aw karon ni Chan ang pag require sa mga pasahero nga mosud sa syudad agi sa Mactan-Cebu International Airport nga mo presenta ug negative RT-PCR test result.
“Wala ko katulog tungod niining balita nga girekomendar sa IATF nga ibutang kita sa Alert Level 3 tungod kay nakasulod na sa atong nasud ang Omicron nga Covid-19 variant. Wala pa gani kita kabangon sa kadaot gikan sa bagyong Odette unya aduna na pod tay laing atubangon,” mensahi ni Chan sa iyang FB post.
Sayo niini, gipahibaw ni Acting Presidential Spokesperson, Cabinet Secretary Karlo Nograles nga Inter-Agency Task Force for the Management of Emerging Infectious Diseases (IATF-EID) naka hukom sa pagbutang sa Alert Level 3 sa mga mosunod nga mga lugar:
Mga Lalawigan:
- Bataan
- Batangas
- Cagayan
- Pampanga
- Zambales
Mga Syudad:
- Lapu-lapu City (Central Visayas);
- Baguio City (Cordillera Administrative Region)
- Dagupan City (Ilocos)
- City of Santiago (Cagayan Valley);
- Angeles City (Central Luzon)
- Olongapo City (Central Luzon)
- Lucena City (Calabarzon)
- Naga City (Bicol);
- Iloilo City (Western Visayas).
Dunay 17,220 ka mga bag-ong infections ang natala, Hwebes nga nga mi resulta sa pag-abot ug 2,888,917 nga kinatibuk-ang mga kaso.
(Source: Junard Chan’s FB | Department of Health – Central Visayas | IATF-EID)