Wednesday, July 24, 2024

Dipolog: 102 Ka Mga Indibidwal Namultahan Bunga Sa Paglapas Sa Ordinansa No. 196

- Advertisement -

Midagan ngadto sa kinatibuk-ang 102 ka mga indibidwal ang malamposong na-isyuhan sa citation ticket, human kini nakitang nakalapas ngadto sa mga probisyon sa Ordinansa no. 196 o Anti-Smoking Ordinance dinhi sa dakbayan.

Visit RPN DXKD Dipolog

Sa makita gikan sa binulan nga report kalabot niini alang sa bulan sa Oktubre ning tuiga gikan sa buhatan sa City Health-Sanitation Division, sa pagdumala ni Supervising Sanitation Officer, Alvin Y. Zerna, nga kining nasangpit nga mga violators ang nasapnan dinhi sa mga nagkalain-laing dapit sulod ning siyudad.

Sumala pa nga 95 niini ang nasapnan nga nanigarilyo sulod sa mga pampublikong saradong dapit (enclosed public places), samtang 4 niini ang didto nasapnan sa mga dapit nga giilang “absolutely no smoking area”, 1 sa sulod sa pampublikong sakyanan, ug ang 1 niini maoy tag-iya og balay patigayon, kinsa matud pa mitugot sa usa ka indibidwal nga manigarilyo sulod sa iyang puder.

Nakita usab gikan sa susamang report nga ang mga edad nga mitala og dakong paglapas ang anaa sa 19 ngadto 29 anyos, nga gisundan sa pangidaron nga 40 anyos pataas, ug gisundan usab sa 30 ngadto 39 anyos.

Kasagaran sa mga dapit diin nakomiter ang paglapas mao ang mga barangay sa Galas, Olingan, Miputak, Biasong ug Lugdungan.

Ang mga barangay nga nagbaton sa daghanang mga nakalapas ang gipangunahan sa Barangay Galas, nga gisundan sa Barangay Olingan.

Sa kinatibuk-ang 102 ka mga nakalapas, 27 niini ang nakabayad na sa ilang mga molta, diin 9 niini ang mipahimulos sa “No Contest provision” sa kantidad nga tag 500 ka pesos, samtang 18 niini ang mibayad sa ordinaryong kantidad nga tag-usa ka libo ka pesos.

Subay niini, padayon karong naga-awhag ang kagamhanang lokal ning dakbayan ngadto sa mga katawhan nga manigarilyohay nga dili gayud sa pagpasagad sa pagpanigarilyo dinhi sa bisang asang pampulikong dapit dinhi sulod sa siyudad, kon dili sila buot ma-tiketan panahon nga sila masapnan, nga mosangpot ngadto sa pagbayad sa molta nga tag usa ka libo ka pesos, sigun sa gimando sa maong ordinansa.

 (Source: City Information Office | Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -