Death toll sa dengue patuloy ang paglobo

Patuloy na tumataas ang bilang ng nasasawi sa dengue.

Batay sa report ng National Disaster Risk Reduction Management Council (NDRRMC), umaabot na sa 202 ang bilang ng nasawi sa dengue mula Enero hanggang July 13 ng taong ito.

Halos 39,000 kaso ng dengue na umano ang naitala sa Calabarzon at sa Regions 6, 7, 8 at 12.

Ayon sa NDRRMC, pinakamarami ang nasawi sa Region 6 na umabot sa 90, sinundan ng 62 nasawi sa Region 7 at 50 sa Calabarzon.

Una rito, nagdeklara na ng state of calamity dahil sa dengue ang Pontevedra at President Roxas sa Capiz.