Davao City – Nadakip ang isang call center agent sa sinasagawang anti-illegal drugs operation ng mga miyembro ng Davao City Police Office Special Operations Group/ City Drug Enforcement Unit sa pangunguna ni Police Major Reuben Libera.
Kasama sa operasyon ang mga personahe ng Ecoland Police Station sa pangunguna naman ni Police Major Carol Jabagat dakong alas 7:00 ng gabi, Nobyembre 1, 2021 sa Barangay Matina Aplaya, dito sa lungsod ng Dabaw.
Kinilala ni Police Major Reuben Libera ang suspek na si Jerson Arellano, 26 anyos na residente ng SIR Sandawa, Barangay 76-A, Davao City.
Ayon kay Police Major Libera , na tumitimbang ng aabot sa 0.07 grams ang shabu na nabili sa isang poseur buyer na may street value na aabot sa P2,000.
Sinampahan na ng kasong violation ng RA 9165 o Comprehensive Dangerous Drugs Act of 2002 ang suspek.
(Source: DCPO SOG | CDEU)
