Patuloy na lumolobo ang bilang ng mga dinadapuan ng coronavirus disease 2019 (COVID-19) sa bansa.
Sa inilabas na bulletin ng Department of Health (DOH), pumalo na sa 272,934 ang kabuuang bilang ng mga nagpositibo sa nakamamatay na virus matapos na maitala ang 3,550 na mga bagong kaso nitong nakalipas na magdamag.
Limangdaang dalawapu’t apat (524) naman ang nadagdag sa bilang ng mga gumaling sa virus, kaya’t 207,858 na ang total recoveries sa COVID-19.
Sa kaparehong bulletin, tumaas din sa 4,732 ang bilang ng mga nasawi sa virus makaraang madagdagan ang bilang nito ng 69.
JUST IN: Kaso ng COVID-19 sa bansa, nadagdagan pa ng 3,550 ngayong Miyerkules, Setyembre 16.
Pumalo na sa kabuuang 272,934 ang bilang ng kumpirmadong kaso ng COVID-19 sa bansa. Mayroon namang 60,344 naitalang active cases. | https://t.co/HHOy7zaafm pic.twitter.com/FqVTg0Wat3
— DWIZ Newscenter (@dwiz882) September 16, 2020