Chinese nat’l na nandura ng pulis sa Maynila hawak na ng BI

Hawak na ng Bureau of Immigration (BI) ang isang Chinese national na nandura ng pulis sa Maynila.

Ayon kay Immigration commissioner Jaime Morente, nakakulong na ngayon ang 50-taong gulang na si Zhou Zhiyi sa kanilang detention facility sa Bicutan, Taguig.

Aniya, nakatakda ring kasuhan ang tsino dahil sa sobra-sobrang pananatili nito sa bansa.

Samantala, magugunitang una nang inaresto ng mga tauhan ng Manila Police District (MPD) ang dayuhan matapos na lumabag sa batas trapiko at mandura ng pulis na sumita sa kanya.