DFA kumikilos na para sa partial lifting ng travel ban sa HK, Macau

Pinapalagda ng Department of Foreign Affairs (DFA) sa deklarasyon ang mga Overseas Filipino Workers (OFWs) na aalis ng bansa patungong Hong Kong at Macau.

Ito ay matapos na ma-exempt sa umiiral na travel ban ang mga OFWs sa mga naturang bansa sa kabila ng “2019 coronavirus disease (COVID-19) scare”.

Ayon sa DFA, nakasaad sa naturang deklarasyon na batid nila ang banta ng COVID-19 sa kanilang pagbalik sa Hong Kong at Macau.

Samantala, nilinaw naman ng ahensya na bukod sa mga Pilipinong nagtatrabaho sa Hong Kong at Macau ay pinapayagan na ring makaalis ang mga Pinoy na permananteng nanunuluyan at nag-aaral dito.