Padayong gihingusgan sa syudad sa Cagayan de Oro nga mosumpo sa hingpit ang operasyon sa mga colorum nga taxi dinhi sa syudad, karong bag-o nagtigom ang lain-laing grupo sa gobierno sama sa LTFRB, LTO, Highway Patrol Group, Cagayan de Oro City Police Office ug Roads Transportation Administration aron mahan-ay ang plano alang sa pagpaghigayon sa worshop nga magpatuman ang mga balaod batok sa operasyon sa mga taxi nga illegal nga nag-operate ug nagbiyahian sa kadalanan sa syudad.
Matud pa ni konsehal Romeo Calizo, ang chairman sa komite sa roads and traffic management nga kinanglang matudluan ang tanan apil na ang mga opisyal sa barangay sa tukmang pamaagi sa pagtuman sa mga baload aron mahatagan sa ngipon ang balaod dili lamang sa trapiko.
Tungod niini, gihangyo sa komite ni Calizo si Mayor Oscar Moreno nga matugutang magpahigayon sa worshop sa tinguha nga masumpo na ang illegal nga operasyon. Dili ikalimod, dugang pa sa maong konsehal nga ang operasyon sa colorum nga mga taxi sa syudad sa Cagayan de Oro nakaapektar ug dako sa kapanginabuhian sa mga drivers sa legal nga mga taxi.