Tuesday, June 18, 2024

Cebu: Manipis Road Sa Talisay Dili Una Paagian Sud Sa 10 Ka Adlaw Huiman Sa Landslide Kagahapon

- Advertisement -

Cebu City – Gimando ni Talisay City Mayor Gerald Anthony “Samsam” Gullas Jr. ang pagpasirado sa Manipis Road sud sa 10 ka adlaw human sa labing uwahing landslide, kagahapon sa buntag, Huwebes, Nobembre 5, 2021.

Kagahapon, nakigtagbo si Gullas sa mga opisyal sa Barangay Manipis, City of Talisay Traffic Operations Development Authority, Talisay City Police, Department of Public Works and Highways ug sa City Disaster Risk Disaster Reduction and Management Office.

Visit RPN DYKC Cebu

Sa maong tigom, matod ni Gullas nga na desisyonan ang road closure sud sa 10 ka adlaw alang sa clearing operations.

Gitugtan hinoon ni Gullas ang mga bikers apan kutob lang sa Kampo 4 nga tulay.

Iya sab nga gimandoan ang mga barangay kapitan sa Kampo 4 ug Manipis pagsuta sa mga apektado, labi na ang mga trabahante, aron maka provide sila ug transportation paglabang agi sa Naga-Uling Road.

Ang karsada sa Sitio Langoyon, Barangay Manipis ablihan gitakdang ablihan unta sud ning semanaha, human kini ma cleared sa mga debris sa miaging landslide.

Gipahibaw sa mayor nga gisugdan ang “ benching of the mountain slope along the road”, gisugdan kagahapon.

Atol sa hitabo kagahapon, nakuhaan kini ug video sa usa ka Honey Feh nga miagi sa landslide area.

Sa maong video, makita nga sama sa dakong bawod nga mitabon sa karsada ang midahili nga yuta ug mga kahoy.

(News & photo courtesy of Talisay City Mayor Samsam Gullas, video courtesy by Honey Feh)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -