Bisan ubos sa Alert Level 2 na ang dakbayan sa Cagayan de Oro, gidili pa gihapon ang pag-inom sa ilimnong makahubog sa mga pampublikong lugar sama sa parks, plazas, roads ug sidewalks.
Gibawal usab ang pagpamalit og pagpamaligya og alcoholic beverages panahon sa curfew nga magsugod sa alas 11:00 sa gabii hangtod alas 4:00 sa buntag.
Samtang base sa bag-ong alert level, gitugotan na ang pag-serve og alcoholic beverages sa mga restaurants ug bars/restobars apan gibawal pa gihapon ang pag-serve niini sulod sa curfew hours.
Gipahinumduman usab ang mga establisemento nga 50% capacity pa gihapon ang gitugot sa indoor establishments, ug kinahanglang bakunado ang tanang empleyado ug limitado ra usab kini sa mga konsumante nga natupokan na sa bakuna batok Covid-19.
(Source: SP-CdeO | Cagayan de Oro City Philippines Facebook page)
