30.3 C
Manila
Sunday, September 24, 2023

Cebu: Dugang pagpangandam sa pipila ka LGU sa Sugbo sa nagsingabot nga bagyong Odette

- Advertisement -

Cebu City – Gitotokan ug gi monitor sa RPN DYKC Cebu News Team ang dugang preparasyon sa pipila ka mga Local Government Units (LGUs) atol sa nagsingabot nga bagyong Odette.

Visit RPN DYKC Cebu

Sa Syudad sa Sugbo, mag butang ug skeletal workforce ang Cebu City Hall sa Disyembre 16 ug 17, 2021, kanus-a gi forecast nga mo-igo ang bagyong Odette sa Central Visayas partikular na sa Sugbo.

Gibutyag ni Mayor Michael Rama nga aron luwas ang mga empleyado ug mga residente sa peligro sa nagsingabot nga bagyo, gi suspenso ang City Hall services sa duha ka adlaw.

Kadto lang emergency ug frontline services maoy fully functional atoll sa bagyo samtang ang ubang mga essential offices butangan ug skeletal workforce.

“I am of the position that even City Hall would only be on the frontline. Di man sad mahimo nga dili makolekta ang basura, di sad mahimo nga siradoan ang City Health, ang CCMC (Cebu City Medical Center),” pasabot ni Rama.

Sud sa duha ka adlaw way public transaction nga himoon tungod kay gi encourage ang mga residente nga magpuyo sa ilang balay ug mangandam sa umaabot nga bagyo.

Gi suspenso sab ang vaccinations sa tanang fixed ug pop-up sites aron ang publiko dili mo risgo sa ilang kinabuhi aron lang magpa vaccine.

Alang ni Rama nga mas maayo nga magpuyo lang sa balay ang mga residente.

Kalabot sa pag apod-apod sa financial assistance sa mga senior citizens, gi uswag kini gikan sa Disyembre 18 ngadto na sa pagka Disyembre 19, 2021 gumikan sa bagyo.

Ang schedule sa distribution mao ang mosunod:

  • Disyembre 19 alang sa fully vaccinated senors;
  • Disyembre 20 alang sa partially vaccinated ug
  • Disyembre 21 alang sa unvaccinated.

Adto kini ipang apod apod  sa mga gyms ug designated distribution areas sama sa public elementary schools, depende na sa barangay.

Gi encourage sab ang mga pribadong establishments pag suspenso sa trabaho sa ilang mga empleyado labi na ang mga on-site workers.

Gipadayag ni Rama nga nakasabot siya nga daghang mga industriya ang dili maka suspended sa trabaho sama sa medical establishments, Business Process Outsourcing (BPO) ug uban pa, maong iya kining gi encourage nga i house ang ilang mga empleyado nga luwas sud sa ilang buildings.

Gipahibaw sa mayor nga dili na siya mo issue ug official directive alang sa mga pribadong establishments pag suspend sa trabaho tungod kay automatic na kini sa pag isa sa storm signal.

Mandaue City

Sa syudad sa Mandaue, gipahibaw ni Mayor Jonas Cortes nga gipa ubos na sa Blue Alert ang ilang mga emergency responders ug on standby na kini sa 24 oras; nagpadayon ang monitoring sa command center labi na sa dagan sa maong bagyo.

Sigon pa ni Cortes nga on standby na sab ang personnel sa City Engineering Office, General Services Office ug Traffic Enforcement Agency of Mandaue.

Lapu-Lapu City

Samtang sa syudad sa Lapu-Lapu, temporaryong gipa kansela ni Mayor Junard Chan ang vaccination sugud sa Disyembre 16-17, 2021, ug i post ra ang update sa sunod nga mga adlaw.

Gihangyo ni Chan ang mga Oponganon nga kanunay magbinantayon sa mga panghitabo sa tagsa tags aka palibot.

Matod ni Chan nga kadtong anaa nagpuyo sa mga high risk areas sama sa kilid sa dagat o prone sa mga baha, nga kung mahimo mo bakwit na lang karon.

Sa kinatibuk-an ang lalawigan sa Sugbo nangamdan na sa bagyong Odette.

Kagahapon, mi issue na ug memorandum si Governor Gwen Garcia sa tanang mga mayor sa lalawigan nga mohimo ug necessary precaution ug preparation sa pag-abot sa bagyo.

Gitigom na sab ni Garcia ang Capitol department heads pag discuss sa tukmang pagpangandam sa severe tropical storm Odette.

(News & photos courtesy of PIO of respective LGUs)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -