Miresponde ang Salug Emergency Medical Services (EMS) sa usa ka emergency medical call sa Poblacion East, Salug, diin duha ka pasyente ang nakit-an nga gitabangan sa mga magtutudlo ug estudyante.
Pag-abot sa responders, nakit-an ang duha ka pasyente nga walay panimuot ug dili motubag. Gisusi dayon ang ilang kahimtang ug gipasakay sa MDRRMO rescue vehicle alang sa pagdala sa pasilidad panglawas. Narekord ang vital signs sa duha ka pasyente atol sa pagtubag sa responders.
Gidala ang duha ka pasyente ngadto sa Salug Rural Health Unit alang sa dugang nga medical evaluation ug pagdumala. Pag-abot didto, hapsay silang gi-endorse ngadto sa medical staff nga nag-duty.
Nagpadayon ang Salug EMS sa ilang responsibong paghatag og emergency medical assistance sa komunidad, ilabina sa mga higayon nga gikinahanglan ang paspas nga pagtubag ug tukmang pag-atiman.(JENIFFER JR. DELICA)
Source: Salug Bfp