Mitubag dayon ang Salug Emergency Medical Services (EMS) sa usa ka medical emergency call sa Poblacion, Salug, diin nasapwan ang pasyente nga gitabangan sa iyang pamilya samtang nagpadulong sa MDRRMO Rescue Vehicle.
Nasuta sa responders nga ang pasyente adunay panimuot ug responsive apan nagreklamo og grabeng kasakit sa ubos nga bahin sa tiyan ug likod. Gisusi dayon ang iyang kahimtang ug girekord ang vital signs, lakip ang blood pressure nga 170/130 mmHg, pulse rate nga 106 beats per minute, respiratory rate nga 16 kada minuto, oxygen saturation nga 96 porsyento, ug temperature nga 37.7 degrees Celsius.
Gidala una ang pasyente ngadto sa Liloy Integrated Health District Hospital alang sa dugang nga medical evaluation ug pagdumala. Apan sa wala pa ma-endorse sa medical staff, mipahayag ang pasyente nga dili siya mouyon sa endorsement ug mihangyo nga dad-on diretso sa De Villa Memorial Hospital sa Ipil, Zamboanga Sibugay. Human sa pakigsabot sa mga doktor, gisugdan ang pagbiyahe padulong sa maong ospital.
Pag-abot sa De Villa Memorial Hospital, hapsay nga gi-endorse sa Salug EMS ang pasyente ngadto sa medical staff alang sa dugang nga pagsusi ug pagtambal. Nagpadayon ang Salug EMS sa ilang paspas ug responsibong paghatag og emergency medical assistance sa mga nanginahanglan sa komunidad.(JENIFFER JR. DELICA)
Source: Salug Bfp