Cebu City – Madugangan ang presensya sa kapolisan sa mga financial institution sama sa mga bangko pagpakgang sa mga criminal nga mopahimus sa publiko nga mag withdraw ug cash sa maong mga institution alang sa pang gasto sa holidays.
Gibutyag ni Police Lieutenant Colonel Wilbert Parilla, deputy director for operations sa Cebu City Police Office (CCPO) nga duna silay standby police mobile o police personnel nga i deploy aron pag secure sa maong mga institution.
Sigon pa ni Parilla nga ila nang gi expect nga daghang mga indibidwal ang mopadung sa financial institutions o Automated Teller Machines (ATMs) sa nagkalain-laing mga bangko aron mo withdraw alang sa Christmas celebration.
Matod sa opisyal nga ila nang gi anticipate ang mga criminal nga mopahimus sa okasyon, kay suma pa naka tala na sila ug theft incident nga naglambigit ug “Salisi Gangs” sud sa mga malls sa syudad sa imaging semana.
Si Police Colonel Josefino Ligan, CCPo director sa iyang bahin, mipahibaw nga iya nang gi instructionan ang 11 ka mga police station chiefs sa syudad sa Sugbo pag coordinate sa mga security officers sa tanang mall sa dakbayanan aron ang mga police dali rang maka access sa security cameras, nga gamiton alang sa dinaliang imbestigasyon.
Nagkanayon si Parilla nga ang dinaliang access sa security makapa paspas sab sa kapolisan pag respondi sa insidente, ug dali nga pagpahigayon ug follow up operation alang sa pagsikop sa posibling mga suspetsado.
Iya sab nga gipahimangnuan ang publiko sa presensya sa mga membro sa mga gangs sa Dakbayan sa Sugbo,nga maoy gitumbok nga responsabli sa kawat ug tulis atol sa holiday season.
Mi encourage sab siya nga mag mabinantayon, labi na kung mag withdraw ug kwarta gikan sa ATM machines.
Gipahinumduman sab ni Parilla ang publiko nga mag bantay sa pagkalaw sa kadalanan labi na kung dunay dalang kwarta.
Nagkanayon kini nga ila nang gi finalize ang plano kung unsaon pag maximize sa ilang pwersa tungod kay ila sab nga i secure ang Misa de Gallo sugod sa Disyembre 16.
Ang CCPO duna lay 1080 ka mga pulis.
Bisan pa man, gipasalig ni Parilla nga ilang ipa intensify ang presensya sa kapolisan diha sa kadalanan ug sa mga lugar nga dool sa financial institutions aron pagpakgang sa krimen nga mahitabo sa maong mga lugar.
(News & photos courtesy of Cebu City Police Office)
