Cebu City – Gimonitor sa Department of Health (DOH) ang Syudad sa Lapu-Lapu ug gitan-aw ang posibilidad nga ipa-ubos kini sa Alert Level 3 human sa Nobyembre 30 gumikan sa giingong mibalik pagsaka nga kaso sa Covid-19 sa lugar.
Gibutyag ni Undersecretary Maria Rosario Vergeiri sa press briefing, nga nakita nila ang positive two-week growth rate sa Dakbayan sa Lapu-Lapu, nga naa pagkakaron sa moderate risk sa Covid-19.
“We have observed that metrics for Lapu-Lapu City may require escalation from Alert Level 2 to Alert Level 3,” matod no Vergeire.
Ang Lapu-Lapu, uban sa laing mga lugar sa Sugbo, ubos sa Alert Level 2 hangtud sa Nobyembre 30, 2021.
Pero si Lapu-Lapu City Mayor Junard Chan mi dispute sa numero nga gipresenta ni Vergeiri ug mipahibaw nga dili siya motogot nga ipa-ubos ang syudad sa Alert Level 3 status, basi lang sa assumption sa DOH nga misaka ang kaso sa Covid-19 sa dakbayan.
“We can’t say that they will place us under Level 3. Our cases are very low. We have also taken measures to lower our cases,” depensa ni Chan .
Basi sa data gikan sa DOH tracker dunay 73 ka mga Covid-19 cases ang Lapu-Lapu City as of Nobyembre 21, samtang ang case bulletin sa DOH Central Visayas (DOH 7), nagpakita nga duna lay 52 ka mga active infections niadtong Domingo.
Gibutyag ni Vergeiri nga ang moving seven-day growth rate sa Lapu-Lapu, Nobyembre 8-14 itandi sa Nobyembre 15-21, anaa sa -34 percent, dunay 1.04 moving average daily attack rate gikan sa Nobembre 15 hangtud sa 21.
Sa two-week growth rate (Oktubre 25-Nobembre 7 itandi sa Nobembre 8-21); anaa kini sa 27.69 percent ug duna kini 1.30 moving average daily attack rate sa Nobyembre 8-21.
Nagbutang kini sa Lapu-Lapu ubos sa moderate risk classification.
As of Nobembre 20, ang bed utilization rate sa syudad naa sa 54.35 percent, samtang ang mechanical ventilator utilization rate nabutan sa 52.94 percent.
Ang regional intensive care unit (ICU) utilization rate naa sa 15.38 percent, samtang ang ICU utilization rate 0 percent.
“With these numbers, Lapu-Lapu City will be monitored if they need to be escalated to Alert Level 3 from Alert Level 2,” pasabot ni Vergeire.
Dugang ni Vergeiri nga ang reassessment sa Alert Level System ipahigayon kada petsa 15 ug 30 matag buwan ug ang lugar mahimo lang ma deescalate human sa implementation period, pero ang escalations ma rekomendar kung gikinahanglan.
Gawas sa Dakbayan sa Lapu-Lapu, ang ubang lugar nga ubos sa moderate risk classification mao ang Apayao, Baguio City ug Mountain Province.
Nahimutang sa high risk classification sa Covid-19 ang Batanes.
(News & photo courtesy of DOH | Lapu-Lapu City PIO)