Cebu City – Gihulagway sa mga business leaders sa Central Visayas nga makapa paspas sa pag-kab-ot sa socioeconomic benefits ang operation sa Cebu-Cordova Link Expressway (CCLEX), dili lang sa probinsya sa Sugbo, lakip na ang tibook rehiyon.
Matod ni Edward Du, governor sa Philippine Chamber of Commerce and Industry (PCCI) for Central Visayas nga nahimong komedya kaniadto nga mas paspas pa ang pag byahe gikan sa Dumaguete padung sa Sugbo nga mag eroplano kay sa magsakay ug sakyanan gikan sa Mactan Aiport padung sa Syudad sa Sugbo.
“Flying from Dumaguete to Cebu would take only about 40 minutes, but traveling by car from the Mactan airport to Cebu City would easily be more than double that time passing through the congested Mandaue-Mactan bridge and the Marcelo Fernan Bridge,” matod ni Du.
“Knowing Cebu, the city will bounce back and go back to normal faster than the other provinces,” dugang ni Du.
Gipaabot nga mausab ang tanan karong umaabot Marso 2022 sa higayon nga ang “3rd bridge” o ang CCLEX ma subhan ug bukas na sa publiko.
Ang ₱ 30 billion CCLEX nag tanyag ug alternatibong rota padung sa Mactan-Cebu International Airport ug ngadto na sa worl-class resorts ug beaches sa syudad sa Lapu-Lapu ug Cordova.
Gideklara ni Felix Taguiam, president sa Cebu Chamber of Commerce and Industry (CCCI) nga ang CCLEX usa ka “truly a sight to behold, and a positive force for Cebu’s economic recovery.”
Dili na kinahanglan mo-agi pa sa Mandaue kon moadto sa Syudad sa Sugbo, gikan sa Cordova; kini menus sa travel distance ug mga 25 kilometros.
Giangkon sa lokal nga mga negosyante nga ang economic benefits nga mamugna sa Sugbo way duda nga mo kanit kini ug mabatyagan ang epekto sa tibook kabisay-an.
Si Metro Pacific Tollways Corporation (MPTC) Chairman Manuel “Manny” V. Pangilinan personal nga mitambong gikan sa Manila alang sa CCLEX connection ceremony sa Sugbo, dungan sab sa pag launch sa radio frequency identification (RFID) system alang sa mga sakyanan.
“We are happy to bring to Cebuanos this contactless and cashless payment through RFID when using our expressway as part of our vision to modernize the country’s transport sector and as part of our commitment in nation-building,” mensahi ni Pangilinan .
Ang CCLEX usa ka wholly-owned subsidiary sa MPTC, ang toll road arm nga publicly listed infrastructure holding company ug membro sa MVP Group of Companies.
Giisip nga usa ka engineering marvel, ang CCLEX dunay duha ka lanes sa kada direksyon ug ang Cebu South Coastal Road (CSCR) on-and off-ramps gikan sa main bridge nag konekta ngado sa Cebu South Road Propertiens (SRP).
Ang expressway nga gi desinyo alang sa 80 ngadto sa 90 kilometros speed matag oras, mo serve kini sa gibana-banang 50,000 ka sakyanan kada adlaw.
Si Du, kinsa membro sa Infrastructure Committee of the Central Visayas Regional Development Council, nagkanayon nga ang RDC bag-o lang mi approve sa katukuran sa ika-upat nga bridge nga magsumpay sa Syudad sa Mandaue ug Lapu-Lapu, subay sa economic benefit nga makuha gikan sa CCLEX.
(News & photo courtesy of Metro Pacific Tollways Corporation | PCCI)