Cebu City – Gikonpirma sa Department of Health (DOH 7), Martes, Enero 18, 2022, nga duna nay 22 ka mga kaso sa Omicron variant.
Kini ang gibutyat ni DOH 7 Chief Pathologist Dr. Mary Jean Loreche.
Gipahibaw ni Loreche nga sa kinatibuk-ang 22 ka mga kaso sa Omicron sa Sugbo, 16 niini Overseas Filipino Workers (OFW), usa ang Returning Overseas Filipino (ROF) ug lima gikan sa samples sa local community.
Gani, bisan niadtong wala pa mogawas ang resulta sa samples, mipadayag si Loreche sa iyang pagtoo nga duna na gyuy Omicron variant basi sa kalit nga pagsaka ug taas nga mga kaso sa Sugbo, partikukar na ang dakbayan sa Sugbo.
Ang tibook isla sa Sugbo nalakip sa mga lalawigan sa rehiyon 7 nga ubos karon sa Alert Level 3.
Bugtong ang probinsyansa Siquijor lang ang wala malakip sa maong alert level classification.
(News & photo courtesy of DOH 7)