Nagpahimutang karon ang City Finance Department og satellite registration center diha sa may SM Downtown Premier nunot sa nagpadayong business permit renewal sa city hall.
Sigun pa ni Jason Adaza, Hepe sa Business Permitting and Licensing Division, nga renewal lang sa business permit ug pag-issue sa cedula ang dawaton sa maong satellite business registration center nga abri gikan alas-10:00 sa buntag hangtud ala-5:00 sa hapon, Lunes hangtud Biyernes lamang.
Tuyo sa satellite business registration center sa SM Downtown Premier nga mahatagan sa kasayon ug komportableng transaksyon ang mga negosyante sa syudad samtang magpa-renew sa ilang business permit karong tuiga.
Gani man, gatanyag karon ang City Finance Department og online services aron mas paspas ug dali ang proseso sa business registration pinaagi niini nga mga link: https//:cagayandeoro.gov.ph para sa billing/payment, ug services.cagayandeoro.gov.ph alang sa renewal.
Kahinumduman nga gilugwayan sa konseho ning syudad hangtud Pebrero 28 ning tuig ang renewal period nunot sa hangyo sa mga negosyante kinsa apektado karon sa pandemya.
(Source: City Finance Department | (Source: Cagayan de Oro City Philippines Facebook page)