Cebu City – Mipadayag ug pagsupak ang pipila ka mga environmental groups labot sa proposal ni Cebu City Mayor Michael Rama nga magbutang ug waste-to-energy (WTE) facility isip kabahin sa recovery measure human sa paghasi sa bagyong Odette.
Gisugyot sa grupo nga mo invest ang syudad ug sa renewable energy sources.
Gi-angkon sa mga environmentalist nga ang pagbutang ug WTE incinerator sa syudad makapasamot lang sa public health ug ecological crisis gumikan sa climate change ug sa Covid-19 pandemic.
“Establishing WTE facilities is an extremely expensive and dirty solid waste management method which will cause more harm to the environment and accelerate climate change,“ matod ni Atty Kristine Joy Argallon sa Philippine Earth Justice Center (PEJC) sa ilang press release.
Hinoon, gawas sa WTE, gikonsidera sab ni Rama ang renewable energy sources sama sa solar, uban ni Konsehal Nestor Archival nga maoy point person.
Matod ni Argallon nga ang post-disaster resilience kinahangan nga i basi sa ecological ug sustainable principles.
“We urge Mayor Rama to rethink and scrap his plan of putting up a WTE facility in the city and consider instead investing in renewable energy sources,” dugang ni Argallon.
Sa samang kalambuan, ang public network EcoWaste Coalition nagkanayon nga ang syudad maoy magpas-an sa bug-at nga bayranan sa pagsud ug kontrata tali sa contractor/provider sa WTC facility.
“Typical WTE contracts have decades-long terms and contain lock-in provisions that will bind the City to expensive and onerous obligations for a long time. This is an unnecessary expenditure of public funds on a system that is dangerous to public health and the environment,” mensahi ni Atty. Lievj Alimangohan, sa EcoWaste Coalition.
Ila sab nga gisugyut nga ang strategy sa syudad i basi sa ilang gihulagway nga ‘robust implementation’ sa mga programa nga nagtotok sa waste minimization, materials recovery ug recycling.
Sigon pa ni Alimangohan nga ilang gipanghinaut nga i basura ni Mayor Rama ang waste-to-energy nga mga plano alang sa syudad ug i reconsider ang ilang approach ngadto sa waste management.
(Source: Philippine Earth Justice Center | EcoWaste Coalition, photos courtesy by Jerry L. Guardo)