Dako ang pagyukbo ug pasalamat sa gikoronahan nga Queen of Misamis Oriental 2022 nga si Sheila Magpale III nga garbo gikan sa munisipyo sa Naawan sa suporta nga gipakita ni Gobernador Bambi Emano ngadto kanila nga mga miyembro sa LGBTQ+ community.
Gipaabot ni Magpale nga nabati niya ang paghigugma ug seguridad alang kanila sa iyang kasinatian atol sa pagsalmot sa pinaka garboso nga pageant alang sa mga miyembro sa gay community lakip ang mga transgender sa lalawigan. Dugang niini nga mapasalamaton siya sa amahan sa lalawigan sa paglakip kanila sa selebrasyon sa ika-9 nga Kuyamis Festival.
“Governor Bambi Emano, thank you so much for celebrating us, thank you so much for having the LGBTQ community part of the Kuyamis Festival, it is such an honor and we are so grateful that we are celebrated here, Misamis Oriental indeed serves as a safe place for us LGBT,” mensahe sa Queen of MisOr 2022 ngadto ni Gobernador Emano Sa iyang mensahe, gipaabot sab ni Gobernador Bambi ang puno sa inspirasyon nga mensahe alang kanila ug giila niini ang mga miyembro sa LGBTQ+ community nga bililhon sa pagpalambo sa nasod lakip na sa lalawigan sa Misamis Oriental.
“I had always respected the members of the LGBTQ community. They actually had been part of the building stones of our country and so much more for the province of Misamis Oriental,” matud sa amahan sa lalawigan.
Sukad nahimong usa ka mayor sa munisipyo sa Tagoloan si Governor Bambi ug hangtod karon sa iyang pangatungdanan isip amahan sa lalawigan, padayun nga nagsuporta ug nagpakita sa iyang dako nga respeto ngadto sa mga miyembro sa LGBTQ+ community gumikan sa ilang bililhon nga papel nga mapalambo ang katilingban hilabina ang sektor sa turismo sa lalawigan.
(Source: Provincial Tourism Office | Misamis Oriental Provincial Information Office Facebook page)