Zamboanga del Sur – Misaka na sa 1,429 ang kinatibuk-ang ihap sa COVID-19 cases sa Zamboanga del Sur human madugang ang 90 ka mga bag-ong kaso sumala sa update nga gipagawas sa Integrated Provincial Health Office (IPHO) adlawng Biernes, Enero 22.
Segun sa talaan sa IPHO, nag-una pa gihapon ang Pagadian City sa may pinakadaghang aktibong kaso nga adunay 527, gisundan sa Labangan nga adunay 145, Molave nga adunay 72, 58 sa Margosatubig, 51 sa Mahayag ug 40 sa Dinas. Samtang 43 ka total cases ang natala sa Pitogo, 25 sa Lapuyan, 25 sa Dumalinao ug 23 sa Tambulig.
Sa mao gihapong update, 45 nag narekord nga bag-ong recoveries samtang walay natala nga COVID- RELATED deaths.
Sa laing bahin, nagpabiling ilawom sa Alert Level 3 gihapon ang Zamboanga del Sur sumala sa DOH-Region 9 ug gipaklaro ni Regional Director Joshua Brillantes nga for DOH monitoring lamang ang iyang gisulti nga Alert Level 4 ang probinsya.
Padayong giabisuhan ang katawhan nga dili magkompyansa ug mosunod gihapon sa minimum health protocols ug magpabakuna aron makabaton og dugang proteksyon batok sa coronavirus.
(Source: ZDS Covid 19 updates)