Isa nasab ka MEDICAL MISSION ang gi-organisa nan SNC-SPUS HIGH SCHOOL BATCH 1996 (Silver Jubilarians kuman na tuig) ug SNC-SPUS Alumni Association adtong February 5, 2022 sa Barangay Buenavista.
Nakabenepisyo sa libreng serbisyong medikal ang 70 ka adults (na an kasagaran sakit kay hypertension, diabetes, ubo, sip-on, arthritis, gastritis ug upper respiratory tract infection) ug nahatagan nan gatas sanan multivitamins an 180 ka mga bata. 40 isab ka mga batan-on an nakapahimuyos nan libre na checkup.
Miyembro nan SNC HS Batch 1996 ug Presidente isab nan SNC-SPUS Alumni Association si Engr. Paul Dumlao, kandidato pagka Mayor nan Abante Surigao kuman umaabot na piniliay.
Mapasalamaton an mga nag organisa ini na kalihokan sa mga medical personnel na niboluntaryo paghatag sa ila serbisyo: Dr. Melissa M. Dumlao, Dr. Angel Devocion, Dr. Bernie Budiongan, ug si Dr. Sherry dela Serna. Gipasalamatan sab ang mga nurses na niiban sa mission team. Kini sila: Mr. Rence Devocion, Ms. Famie Daan ug Ms. Crustee Chato. Nagpasalamat sab an Batch 1996 sa PNP sa paghatag sa ila nan security assistance.
Mukabat sa P75,000 an kantidad nan libreng medisina ang nahatag adto na adlaw. An mga nidonar kay ang Batch 1996, Rotary District 3860, Hawid Bai Group ug ang Barkadahan Partylist. (RPN DXKS Surigao via PR JMR)