28.6 C
Manila
Friday, March 29, 2024

Pagadian: Mga nabahaan sa Brgy. Lison valley, midawat og ayudang pinansyal gikan sa DSWD Region 9

- Advertisement -

Pagadian City – Midawat og financial assistance ang 74 ka mga biktima sa nahitabong flashflood sa Lison Valley, Pagadian City ning milabayng adlaw nga giapo-apod mismo sa ilang barangay hall.

Visit RPN DXKP Pagadian

Gipangunahan sa Department of Social Welfare and Development Region 9 ug Development Regional Team sa pagpanguna ni Agnes Sia kauban ang Provincial DSWD sa pagpanguna ni Ermilina Bacatan ang distribusyon sa maong ayuda alang sa mga residente sa maong lugar.

Girepresentahan usab ni Atty. Jackie Bana ang kagamhanang probinsyal kauban ang mga political aspirants sa Team Yu Pagadian nga nakighimamat sa mga biktima sa baha nga nahitabo kaniadtong bulan sa Nobyembre.

Sumala ni Kapitan Joel Babayson sa Lison Valley, kasagaran sa mga beneficiaries sa ayudang pinansyal mao ang mga mag-uuma nga adunay mga uma nga nabanlas tungod ka kakusog sa tubog-baha. Siyam sa 74 ka mga benepisyaryo ang nawad-an og panimalay diin modawat usab og laing cash assistance gikan sa Provincial Government.

Gilauman nga madawat sa mga apektadong pamilya ang ₱ 5,000 alang sa partially-damaged nga balay ug P10,000 alang sa mga totally-damaged nga pinuy-anan.

Mapasalamaton ang mga mag-uuma nga aduna na silay ikagasto sa pagpanglimpyo sa ilang umahan nga natam-ukan ug balas ug bato aron makapadayon sila sa pagpananom nga naundang tungod sa trahedya nga karon pa nila nasinatian.

(News & photos courtesy of Zamboanga del Sur press bureau)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -