Gitambagan ni Misamis Oriental Provincial IATF Chief Dr. Jerie Calingasan ang mga nagpositibo sa COVID-19 sa pag-monitor sa ilang kaugalingon samtang sila padayun nga nagpa-ayo sa maong virus.
Matod sa PIATF Chief nga kinahanglan nga sila adunay saktong pahulay, pag-inom sa daghang tubig ug ang kanunay nga mag-monitor sa ilang kaugalingon.
“Rest and get a lot of fluids so daghan gyud tubig ang inomon then you monitor your health closely. Take your temperature, take your BP, so these are the things that you are supposed to do,”-tambag niini.
Subli sab niini nga gipahibalo ang katawhan sa mga sintomas sa Omicron variant sama sa hilanat, sip-on ug ubo.
Dugang pahibalo niini nga ang Omicron dili maka-apekto sa baga ug kini usa lamang ka Upper Respiratory Tract Infection.
Pahinumdum ni Dr. Calingasan nga kanunayon ang pag-monitor sa kaugalingon bisan pa man nga walay gihambin nga sakit aron magpabilin nga himsog ang panglawas diin kini gikanahanglan karong mga panahona aron malikay nga mataptan sa COVID-19 ug sa dala nga kadaot niini.
(Source: Misamis Oriental Provincial Information Office Facebook page)