Dili matago ang dakong kalipay nga gibati ni nanay Marites Regañon sa barangay Anastacio, lungsod sa Polanco kini human nga gitunol kaniya ang iyang bag-ong panimalay, diin kaniadto sila nag abang lamang.
Gisugdan ang maong kalihukan pinaagi sa pag blessings ug ribbon cutting nila ni mayor Evan Hope Olvis, MSWDO Jay Sebastian ug ni nanay Marites mismo. Ang maong proyekto initiative ni Ms. Jay Sebastian nga hugot gi suportahan ni mayor Olvis ug Sangguniang Bayan sa maong lungsod.
Sila ang nag pahat og pundo aron matabangan ang katawhang Polancohanon kinsa nangandoy makabaton kaugalingong pinuy-anan apan walay igong pundo nga ikapatukod niini. Ang maong pabahay program gipatuman sa LGU Polanco. Ug ang matag beneficiary maka dawat tag 150 mil pesos.
Subay niini, kinasing-kasing nagpasalamat si nanay Marites Regañon sa mga opisyal sa lungsod pinanguluhan ni mayor Olvis uban ni Jay Sebastian sa pag tabang kaniya nga maka baton na og kaugalingong balay kapuy-an.
