24.2 C
Manila
Monday, January 30, 2023

Cagayan de Oro: Munisipyo sa Initao giilang over-all champion sa 9th Kuyamis Festival

- Advertisement -

Nakuha sa munisipyo sa Initao ang usa ka brand new Coaster (tourism bus) human giila kini nga over-all champion atol sa kasaulogan sa 9th Kuyamis Festival. Gibasehan ang resulta sa pasidungog sa lima (5) ka indigay sama sa Kuyamis Festival Booth Contest, Kuyamis Festival Dance Contest, Miss Kuyamis, Queen of MisOr 2022, ug E-Sports tournament diin ang sumasalmot nga mga munisipyo ug dakbayan maka-kuha og puntos base sa ilang placement.

Visit RPN DXKO Cagayan de Oro

Alang sa Kuyamis Booth Competition ug Kuyamis Festival Dance Competition, ang 1st place makakuha sa 10 points, ang 2nd place adunay 8 points, samtang ang 3rd place adunay 6 points.

Sa Miss Kuyamis Competition, ang Miss Kuyamis Winner adunay 10 points, ang 1st runner-up adunay 8 points, ang 2nd runner-up adunay 6 points ug ang 3rd ug 4th runner-up makakuha og 4 ug 3 points, samtang ang mi-partisipar adunay 2 points. Alang sa E-Sports ug Queen of MisOr 2022, ang mananaog adunay 5 points, ang 1st place adunay 4 points, 3 points sab alang sa 2nd place ug ang 4th runner-up sa Queen of MisOr adunay 2 points, samtang ang mi-partisipar adunay 1 point.

Sa kinatibuk-an nakuha sa munisipyo sa Initao ang 26 points human naangkon niini ang 10 points sa Kuyamis Festival Dance Contest, 8 points sa Kuyamis Festival Booth Contest, 5 points sa E-Sports tournament isip mananaog sa Call of Duty (Mobile), 2 points alang sa Miss Kuyamis ug 1 point sa Queen of MisOr.

Nakuha sab sa munisipyo sa Naawan ang usa ka brand new van human sila nahimong over-all 1st runner-up sa ilang 24 total points pinaagi sa ilang 10 points sa Miss Kuyamis, 6 points sa Kuyamis Festival Booth Contest, 5 points sa Queen of MisOr, 2 points sa Kuyamis Festival Dance Contest ug 1 point sa E-Sports tournament. (

Giilang over-all 2nd runner-up ang munisipyo sa Jasaan sa ilang 17 total points rason nga na-angkon sab niini ang brand new van pinaagi sa ilang 8 points sa Miss Kuyamis, 4 points sa Queen of MisOr, 2 points sa Kuyamis Festival Booth, 2 points sa Kuyamus Festival Dance, ug 1 point sa E-Sports tournament.

Malipayon nga gidawat sa tourism officer sa Initao ang award lakip ang plaque gikan sa amahan sa lalawigan, Governor Bambi Emano uban ang reigning Miss Kuyamis Queen Ms. Annabelle Mae McDonnell ug ang majority bloc sa Sangguniang Panlalawigan niadtong miaging semana atol sa gipahigayon nga Culminating program sa 9th Kuyamis Festival.

Taliwala sa hagit sa pandemya nga dala sa COVID-19, kinasing-kasing nga gipasalamatan ni Governor Bambi ang tanan nga munisipyo nga mihatag sa ilang panahon aron sa pagsalmot sa mga kalihokan sa Kuyamis Festival rason nga kini napuno sa kasadya nga gisaulog sa tibuok lalawigan sa Misamis Oriental.

(Source: Provincial Tourism Office | Misamis Oriental Provincial Information Office Facebook page)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -