Dili maundang ang pagserbisyo ni Miss Intercontinental 2021 Cinderella Obeñita isip Senior Tourism Officer sa Kapitolyo Probinsyal.
Usa ka garbosong Fairytale Homecoming ang natagamtaman ni Miss Obeñita sa iyang pagpauli sa lalawigan human gipreparahan kini og maayo ni Governor Bambi Emano ug pwersa sa Provincial Tourism Department.
Dili matukib nga dako nga garbo ang nahatag ni Ms. Obeñita sa lalawigan gumikan sa iyang kadaogan sa maong prestihiyosong pageant sa nasud sa Egypt.
Taliwala nga ang tanang atensyon anaa kaniya karon, wala kini nalimot sa iyang gigikanan nga probinsya apan mipasundayag gihapon kini og interes sa pagbalik sa iyang gitrabahohan sa Kapitolyo Probinsyal isip Senior Tourism Operation Officer.
“I will still be working for the people of Misamis Oriental because Miss Intercontinental has been very understanding, I asked permission from them if I can continue on my work here in the province… Definitely, I will still be working for the people of Misamis Oriental.” sulti ni Ms. Obeñita.
Bisan paman sa iyang responsibilidad isip bag-ong gikoronahan nga Miss Intercontinental, padayon gihapon nga muserbisyo si Ms. Obeñita sa mga katawhan sa lalawigan tungod sa kahigayonan nga gihatag sa organisasyon ngadto kaniya.
Nalantaw sab sa organisasyon nga iyang magampanan sa insakto ang iyang papel ug responsibilidad isip Miss Intercontinental 2021 gawas nga manerbisyo sa lalawigan.
Ang kaikag ni Miss Obeñita nga padayon sa pagpanerbisyo nakuha niini sa kinaiya sa lider sama ni Gobernador Bambi nga dili kini impossible kon insakto ang pagbahin sa oras ug passionate sa pagpanarbaho labaw sa tanan puno sa inspirasyon diha sa pagpanarbaho.
(Source: Provincial Tourism Office MisOr | Misamis Oriental Provincial Information Office Facebook page)
