Nakadugang tanom og 200 ka bakhaw ang City Government of Dapitan sa baybayon sa Barangay San Pedro isip kabahin sa padayon nga paningkamot sa lokal nga panggamhanan sa pagpanalipod sa kabaybayonan ug pagpreserbar sa kinaiyahan.
Gipahigayon ang kalihokan pinaagi sa City Environment and Natural Resources Office (CENRO) uban sa partisipasyon nila City Councilors Raul Carreon ug Dennis Tan.
Sumala sa CENRO, ang mga bakhaw adunay dakong papel sa pagpugong sa erosion, pagpamenos sa epekto sa storm surge, pagpaayo sa kalidad sa tubig, ug paghatag og puy-anan sa nagkalainlaing matang sa kinabuhi sa dagat.
Pinaagi sa maong kalihokan, nagpadayon ang Dapitan sa pagpalig-on sa pagpanalipod sa mga baybaying dapit ug pagdasig sa komunidad sa pag-apil sa mga programa alang sa pag-atiman sa kinaiyahan.(IKEN B. GULLEM)
Source: Dapitan City Government