Labihan ang pagpangandam sa Provincial Tourism Office sa gikahinaman sa tanan nga Swimsuit Competition sa 22 ka mga kandidata sa Miss Kuyamis 2022 nga representante gikan sa nagkalain-laing lungsod sa Misamis Oriental.
Mahitabo ang maong kompetisyon karong adlawa, Disyembre 28, 2021 sa alas kwatro sa hapon sa infinity poolside sa Amaya View, dakbayan sa Cagayan de Oro.
Pinangunahan sa Provincial Tourism Office, mamahimong makasaksi ang tanan pinaagi sa virtual partikular sa Miss Kuyamis ug Explore MisOr Facebook pages.
Kini sa hinungdan nga piling bisita lamang ang aktwal makakita sa kompetisyon hilabina nga pabilin ang hugot nga pag-obserbar sa mga health protocol batok Covid-19.
Samtang pormal na usab nga gipaila ang set of judges alang sa Miss Kuyamis 2022 Swimsuit Competition nga gilangkoban nila ni Mr. Delon Vincent Simpao nga usa ka iladong fashion designer, celebrity stylist, fitness coach ug siya sab ang naghimo sa iconic gold national costumes nga “Belleza del Oro” ug “Diwata” ni Ms. Cinderella Obeñita sa Binibining Pilipinas ug Miss Intercontinental competitions.
Lakip sa hurado si Miss Intercontinental 2021 Cinderella Faye Obeñita nga usa sab sa mga judges nga hugot ang pagtoo nga makaya sa tanang kandidata ang pageant journey sa Miss Kuyamis.
Gani padayon ang pagdasig niini nga ubanan sa sexy nga batasan ug dili lamang sa lawas ang labing motatak sa tanang manan-away.
Ang mikumpleto sa nasangpit nga set of judges mao sila Mr. International 2013 Fourth Runner-up Mr. Gil Wagas, Jr. gikan sa Lapu-Lapu City sa Cebu Province, Binibining Pilipinas Face of Araneta City Ms. MA. Francesca Taruc, ug si PCOL. Raniel Valones nga mao ang Provincial Director sa Misamis Oriental Police Provincial Office.
Si Gobernador Bambi Emano uban si Provincial Tourism Officer Atty. Jeffrey Saclot labihan ka excited nga laing hugna sa pagpakita sa mga talagsaong kaanyag sa mga Kuyamis beauty uban ang ilang kamaayo motubag sa mga pangutana ug ang kinatibuk-ang talento sa pagrampa.
Sayod ang tanan nga ang Miss Kuyamis festival nahimo nang pinaka-ginahulatan nga panghitabo matag tuig ning lalawigan dihang gimugna ubos sa liderato ni Gobernador Bambi.
Angayan nga atangan sa katawhan ang pinaka bongga, garboso nga kompetisyon sa kaanyag labina ning tuig ang katapusang termino ni Gobernador Bambi nga iyang gisiguro nga iselebrar ang Kuyamis festival nga dili malimtan ug motatak sa mga manan-away nga Misamisnon.
Giawhag sa tibuok pwersa sa Provincial Tourism nga suportahan sa tanang Misamisnon ang kalihokan kay tumong niini nga padayong mapromotar sa tibouk kalibutan ang Turismo dinhi sa Misamis Oriental.
(Source: Misamis Oriental Provincial Information Office Facebook page)