Gisiguro ni Gov. Darel Uy ang padayong suporta sa Barangay Ilihan, Jose Dalman pinaagi sa mga proyekto nga nagtubag sa panginahanglan sa komunidad, lakip ang ₱1-milyong 188-linear-meter road concreting project ug ang ₱1.5-milyong Multi-Purpose Building o Barangay Hall.
Ang road concreting project gisuportahan sa Provincial Government of Zamboanga del Norte, samtang ang barangay hall gipondohan pinaagi sa 20% Economic Development Fund sa lokal nga kagamhanan. Ang duha ka proyekto giturn-over atol sa pagsaulog sa ika-41 nga Araw ng Ilihan.
Girepresentahan ni Board Member Dante Bagarinao si Gov. Uy atol sa kalihukan, diin gipasiugda ang panagtambayayong sa provincial, municipal, ug barangay governments aron mapadayon ang paghatag og konkretong serbisyo sa mga lumulupyo.
Padayaon usab ang suporta ni Gov. Uy alang sa dugang nga kauswagan sa Ilihan, lakip ang planong covered court ug dugang classrooms para sa Ilihan National High School.
Mitambong usab sila Mayor Allen Ferrater, Vice Mayor Juliet Macapaz, Barangay Chairman Melven Lonsido, mga opisyal sa barangay, ug mga lumulupyo sa Ilihan atol sa maong kalihukan.(IKEN B. GULLEM)
Source: Gov Darel Uy