Gipaila na karon sa publiko pinaagi sa Explore Misor Facebook Page ang Finals Selection Committee alang sa umalabot nga Miss Kuyamis 2022 Coronation Night karong Enero 13, 2022.
Kini gilangkoban ni Miss Intercontinental 2021 Cinderella Faye Obenita kinsa usa ka Miss Kuyamis resident judge nga maoy personal nga nakasaksi sa journey sa 22 ka mga kandidata ug nagsilbing buhing inspirasyon alang sa mga kababayen-an nga nangandoy nga makasulod sa nasyunal ug internasyunal nga plataporma.
Si Cindy Obenita nakoronahan kaniadto isip Miss Camiguin 2015, Miss Cagayan de Oro 2019, Binibining Pilipinas Intercontinental 2021 ug Miss Intercontinental 2021.
Si Miss Tourism International 2019 Ms. Cyrille Payumo nga naghupot sab sa titulo sa Mutya ng Pilipinas ug nahimo sab nga representante sa nasud ngadto sa Kuala Lumpur, Malaysia diin siya maoy nakaangkon sa ikalima nga korona sa Pilipinas ang parte sa judges sa Miss Kuyamis.
Matud pa sa mga sulti sa mga pageant fans nga ang 24 anyos nga Kapampangan beauty maoy usa ka panagway nga kinahanglan atangan ug tan-awon sa umalabot.
Lakip sa judges ang Misters of Filipinas-Man of the World 2021 nga si Mr. Nadim El Zein kinsa migradwar sa Travel and Tourism Management degree.
Kini nga Pilipino nga gikan sa Lebanese ug Palestinian nga angkan, gikoronahan sa “pandemic edition” sa dugay nang gipaabot nga pageant sa mga kalalakin-an nga “ Misters of Filipinas”. Gani, gikatakda kini nga makigkompetensya sa “Man of the World” sa dili madugay.
Mokumpleto sa hurado ang Renowned-International Shoe Designer nga si Mr. Jose Joaquin “Jojo” Bragais ug ang sikat nga Filipino Pageant Blogger nga si Mr. Norman Tinio o mas naila nga “Tito Norman”.
Ang koronasyon i-host sa Gingoog City kon diin suportado kini ni Mayor Erick Canosa kinsa excited sa maong kalihokan. Magsilbing host sab sa koronasyon ang actor nga si Marco Gumabao nga usa sa angayan hulatan sa mga Facebook viewers.
Isip katapusang Kuyamis Festival sa termino ni Gobernador Bambi Emano laumang tapuson kini nga pinaka-engrande agi og pasalamat sab sa Gobernador sa tibuok lalawigan sa Misamis Oriental sa siyam ka tuig nga pagserbisyo isip amahan sa lalawigan nga adunay dako nga pagtagad sa pagpalambo sa natad sa turismo sa probinsya.
(Source: Provincial Tourism Office | Misamis Oriental Provincial Information Office Facebook page)