Nanawagan ang CDO COVID-19 vaccination team alang niadtong interesado ug buot mag-volunteer ug motabang sa ipahigayo’ng ‘3-day National Vaccination Rollout Program’ o ‘Bayanihan, Bakunahan’ karong umaabot Nobyembre, 29, 30 ug Disyembre 1.
Target sa syudad magbukas og kapin 20 ka mga vaccination sites atol sa tulo ka adlaw nga ‘Bayanihan, Bakunahan’ diin matag adlaw 20,000 ka tawo ang tinguha’ng mabakunahan.
Busa naghangyo ug nanawagan ang vaccination team og dugang volunteers alang sa mosunod nga mga tahas: Doctor (Health screener); Nurses (Vaccinator); Nursing Assistants (Recorder, Vital Signs Taker, AEFI, MEDS); Counselors (Interviewer); Encoders (Verifier); Other Manpower (marshal, usher, runner).
Kini usa ka diwa sa boluntarismo sa pagtambayayong sa tanan sector sa katilingabn aron paspas nga makab-ot ang tinguha nga ‘herd immunity’.
Sa mga interesado mahimong volunteer, i-click ang google sign-up form pinaagi sa https://forms.gle/75sqF5ebJyTUmDTJ7 kung diin makita usab ang mga dugang nga gabayan. (CDEO-COVID 19 VAX TEAM)