Mibarog na ang pipila ka mga nitso o columbarium sa kasamtangang City Memorial Park ug gilaumang matibawas kini sa dili pa matapos ang Pebrero ning tuiga.
Matud pa ni Ms. Sol Mosqueda sa City Local Environment and Natural Resources Office (Clenro) ug focal person sa City Memorial Park, bisan pa man og anaa pa sa dili mominus 10% ang work progress apan gipaningkamotan sa City Engineering Office ang pagtibawas niini sanglit dako kini’ng solusyon sa paspas nga pagkapuno sa kanhi Bolonsori Public Cemetery.
Dugang pa niini, mahinungdanon nga mapaspas ang redevelopment sanglit apektado na ang groundwater sa maong dapit resulta sa formaldehyde ug gikan sa duga sa lawas sa tawo.
Kahinumdoman nga halos 40 ka tuig na nga ga-operate ang 19 hectares Bolonsori cemetery diin dili moubos sa 1,200 ang gilubong matag tuig.
(Source: CLENRO | Cagayan de Oro City Philippines Facebook page)