Maisayangkat ti State of the Province Address wenno SOPA ni Gob. Matthew Marcos Manotoc kalpasan ti naunday bassit a panawen nga awan ti SOPA gapu iti pandemia a ginubuay ti COVID-19.
Inlawlawag ni Mr. Gervy James Gumarit, mangidadaulo ti Communications and Media Office a masapul a maiyuswwaten ti nasao nga aktibidad tapno maammoan dagiti kakailian ti kasasaad ti probinsia.
Imbatdna a rumbeng nga ipakaammo ti gobernador dagiti nagapoanan ti gobierno probinsial, no ania dagiti proyekto ken aktibidad a naisayangkat manipud iti tawen 2020 agingga ita ken no ania dagiti kalikagumna pay a maipatungpal.
Mainaig iti dayoty, inbunannag ni Gumarit a maisayangkat ti pre-SOPA Conference intino Enero Siete a pakaimbitaran dagiti mangidadaulo kadagiti nadumaduma a departamento ti gobierno probinsial.
Segun kenkuana, ditoy nga ipakaammo dagiti maseknan dagiti nagapoannan ken dagiti ar-aramiden dagiti idadauloanda a pangopisinaan kangrunaanna iti benneg ti salun-at, agrikultura, ‘’livelihood’’ and employment, edukasyon ken torismo.
Impalgak ni Gumarit nga intono malen nu lunes a maisayangkat ti SOPA ni Gob. Matthew Marcos Manotoc iti kapitolio probinsial.
Kunana a karaman kadagiti manmnama a mangngegan dagiti kakailian no ania dagiti impatungpal ti gobirerno probinsial iti benneg ti salun-at iti panawen ti pandemia, iti benneg ti agrikultura iti pakaeknan iti African Swine Fever wenno ASF ken ti panagsursur ti gobernador a mangtultulong kadagiti agnegogsio ken dagiti awan ti pagtrabahoanna.
Innayonna nga sipud ta maysa ti edukasion kadagiti kangrunaan a naapektaran iti pandemia ket karaman daytoy kadagti kangrunaan a dakamaten ti gobernador iti SOPA na.
Kabayatanna, inpakaammo ni Gumarit nga agtultuloy ti pangkiddaw ni Gob. Manotoc a maipatungpal ti ‘’face to face learning’’ kadagiti probinsia a kas iti Ilocos Norte.
(Source: Provincial Government of Ilocos Norte)