Nagibunong manen ni Goberndor Matthew J. Marcos Manotoc iti COVID-19 Recovery Assistance to Sari-Sari Store Owner babaen iti Kadiwa program ti probinsia idiay Vintar, Ilocos Norte.
Umabot iti siam a pulo ket tallo dagiti benepisiario nga agtagikua kadagiti sari sari stores iti maikadua a bansada a panagibunong da iti nasao nga ili.
Immunan a nagibunong ti gobernador idiay Vintar itay kallabes a Nobiembre 10 no sadinno nga immabot iti siam a pulo ket pito dagiti nagbalin a benepisiario.
Agpapada nga immawat dagitoy iti 2,000 pesos ti balor na a grocery items nga inted a libre ti probinsia nga ayuda gapu iti krisis nga inbunga ti Covid-19.
Kuna ti gobernador nga addan ti pammilin na kenni Mrs. Elma Gabriel nga iyad adu pay ti bilang dagiti SME’s a benepisiario ti nasao a programa.
Malaksid iti daytoy, mapagbalin to payen a 3,000 ti balor iti maited kadakuada a grocery items tapno ad-adu met laeng ti mailako ken mapastrek da.
Impasigurado met ti gobernador iti agtultuloy a panangsupurta ti gobierno probinsial kadagiti Sme’s a naapektaran iti pandemia tapno makalung-aw ken mapadakkel da iti puonan da.
(Source: Provincial Government of Ilocos Norte)
