- Advertisement -
Naipaayan manen ti innem a pulo ket walo a kakailian iti siyudad ti Laoag ti sweldo babaen ti tulong Panghanap Buhay sa ating Disadvantage/ Displaced Workers (TUPAD) ti Department of Labor and Employment.
Dagiti recipient ket nagtrabaho da iti las-ud ti sangapulo nga aldaw babaen ti panagdalus da iti aglawlaw ket nakaawat da ti 3400php idinto a dagiti met nagtrabaho ti kinse nga aldaw ket 5100php.
Kuna ni Mayor Michael Marcos Keon a napintas daytoy a programa agsipud ta malaksid a nakaawat da ti tulong pinancial ket nakapagserbi da pay iti komunidad.
Nagyaman met ti mayor iti biang ti DOLE babaen ti panagidaulo ni Mrs. Janelyn Martin gapu iti kankanayon a panangipaay da ti tulong kadagiti taga Laoag.
(Source: LGU Laoag City)
- Advertisement -