Friday, June 21, 2024

Batac: Invest Office Ti Kapitolyo Probinsyal, Agtultuloy Ti Panagawatda Kadigti Aplikante Ti Livelihood Assistance Program

- Advertisement -

Umabot iti dua pulo ken innem manen dagiti benepisario ti immawat iti suweldo da iti Livelihood Assistance Program wenno LAP a pay out now, work later scheme a programa ti gobierno probinsial a naipa ima iti INVEST Office nga idadaulwan ni Ms. Soya Cheng Bueno.

Visit RPN DZRL Batac

Immun una ngem iti daytoy, nagibunong manen ni Gob. Matthew J. Marcos Manotoc kadua na ni Vice Gov. Cecil Araneta Marcos pakairamanan ni Mr. Sandro Marcos iti suweldo da gapu iti pannaka apektar ti trabahoda.

Kuna ti gobernador a makaammo pay laeng ti probinsiya a mangibaklay iti suweldo dagitoy bayat a saan da a simsimrek iti trabaho gapu iti Covid-19.

Umabot iti 5,000 pesos ti inawat iti tunggal maysa kadagitoy manipud iti nagduduma nga ili ken dua a siudad ti probinsia.

Kaadduan kadagitoy ket agpapaay ken agtagikua kadagiti parlor ken barbers shop.

Kunana a nupay adda pay laeng iti Covid-19, agtultuloy met iti suporta ti gobierno probinsial ngem masapul ti naiget ti panangsurot kadagiti safety measures wenno minimum health protocols.

Innayonna a saan pay a nagsarday iti panagawat ti probinsia babaen iti panagawat ti Invest office kadagiti mayat a manggundaway iti programa a cash assistance babaen iti Livelihood Assistance Program (LAP), a pay out now, work later scheme iti gobierno probinsial.

Maipalagip a naipalawa ti nasao a programa tapno maakumodar amin dagiti agpapaay iti sektor ti personal care services a saan a napalubosan a nagoperar kabayatan iti Enhanced Community Quarantine.

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -