Ar araken pay laeng dagiti managbasa iti libro ti naiplastar a IN Pop-up Library iti sango ti kapitolio probinsial.
Segun ken ni Ms. Grace Justo iti Provincial Library nga idadaulwan ni Mr. Eric Coloma, adu dagiti kliente da ti mapan agbasa basa kadagiti magazines, pocketbooks ken naduma duma a mabasbasa.
Gagem iti ti IN Pop -up library manipud iti i hub ti probirnsia ti immunan a napanunutan ni Gobernador Matthew Marcos Manotoc ken tapno manayonan pay iti adal ken tapno saan a masikuran bayat nga awan iti ub ubraen.
Maobserbaran nga adu pay dagiti senior citizens ken dagiti agtutubo ti manggungundaway iti Pop up library a nakaidisplayan dagiti nagduduma ti klase na a libro, magazines a naglaon iti architectures, Science, pocket books ken dadduma pay.
Segun pay ken ni Justo, mangipapaay da pay iti libre a reader’s digest story telling a napataud ken nairanta a maited kadagiti ubbing.
lnlawlawagna a ti panagplastar manen iti “IN Pop up library” iti sango ti kapitolio ket paset metten iti “Library and services Month” ita a bulan ti Nobiembre.
Nawaya ti siasinno man ubbing, agtutubo ken senior citizens nga umay agbasa iti IN pop up library” iti sango ti kapitolio agingga inton Nobiembre 26.
Kabayatanna, naragsakan met ni Gobernador Matthew Marcos Manotoc gapu ta adu pay laeng dagiti interesado a mapan agbasa basa iti sango ti kapitolio bayat nga agpapa angin metten dagitoy.
Naimatangan daytoy ti gobernador kabayatan iti maysa a programa a naangay iti sango ti provincial capitol playground a nagplastaran met iti “Pop up Library”.
(Source: Provincial Government of Ilocos Norte)