Thursday, June 20, 2024

Batac: Benepisiario ti TUPAD idi Disiembre, bassit laengen ti saan pay a nakaawat ti sueldoda

- Advertisement -

Umadanin maawat amin a benepisiario ti Tulong Panghanapbuhay sa Ating Disadvantaged/Displaced Worker wenno TUPAD itay napalabas a bulan ti Disiembre ti sueldoda.

Visit RPN DZRL Batac

Inlawlawag ni Mrs. Anne Marie Lizette B. Atuan, manager ti Public Employment Service Office ti gobierno probinsial a kaudian nga immawat ti sueldoda dagiti kakailian ti ili a Sarrat.

Imbatadna a mismo a ni Gob. Matthew Marcos Manotoc ti nangidaulo iti pannakaisayangkat ti nasao nga aktibidad.

Mainaig iti daytoy, impadanon ti gobernador ti napalaus a panagyamanna iti Department of Labor and Employment a makikamkammayet a kanayon iti gobierno probinsial iti pannakaipaay ti pagsayaatan dagiti kakailian,

Naammoan a dua punto lima a milyon a pisos ti inlatang ti DOLE para iti programada a TUPAD ditoy probinsia a nakabenipisiaran ti nasursurok ngem pito gasut a kakailian.

Kabayatanna, inpakaammo ni Atuan nga iti agdama dagiti laengen benepisiario ti ili a Pasuquin ti saan pay a nakaawat iti sueldoda.

Kunana a manamnama a maipaay ti sueldo dagiti maseknan a benepisiario nga umabot iti limapulo intono Enero diyes y siete.

Innayonna a kas kadagiti dadduma a benepisiario ti TUPAD ket nangipaay dagitoy ti serbisioda iti uneg ti sangapulo nga aldaw ken umawatda ti tallo ribu uppat a gasut a pisos.

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -