Masirsirmata iti pormal a pannakainagurar ti Paoay Lake Water Park iti masungad nga aldaw.
Segun keno Provincial Tourism Officer Mr. Ianree Raquel, maysa manen daytoy a napintas a proyekto ni Gob. Matthew Marcos Manotoc a masarakan iti sakaanan ti Malacanang of the North.
Inlawlawagna a napintas iti nakaiplastaran ti water park gapu ta agkakamang ditoy iti Malacanang of the North ken iti Chinese Garden a nawaya a pagpasyaran dagiti local ken gangannaet a turista.
Inpalgakna nga addan to met iti entrance ken exit point ket masapol a masurot dagiti minimum health protocols.
Kabayatanna, siraragsak pay nga impakaammo ni Raquel nga adda pay iti boat house iti Batac a napintas a pagpalpallaingan.
Innayaonna a napinpintas met iti kalsada a mabalin nga usaren dagiti agbisibisekleta ken pagnaan dagiti umili nga agjogging nangruna iti nasapa a bigat.
(Source: Provincial Government of Ilocos Norte)