Nan jadton adlaw na sabado, Mayo 2, 2020 nopabati nan ija Public Adress on Covid-19, an ika unom sa serye si Surigao City Mayor Estong Matugas kun diin pipila ka mga importante na pahibayo an ija tagsulti, na naglakip sa inin mosunod:
– Surigao City padajon na COVID FREE,
– Surigao City ECQ Tagdowngrade sa GCQ,
– LIQUOR BAN tagtangtang na, pero pag inom in public tagdili,
– Mandatory Home Quarantine magpadajon, below 21 y.o. sanan sr. citizen, 60 y.o. pataas taghangyo na dili mugawas sa panimayay gawas kun may tujo na importante parehas nan pagpalit pagkaon,
– Curfew magpabilin,
– temporaryo na tagpasirad-an na mga negosyo tagpa abrihan na,
– Suspension nan public transport taglibkas na: – Tricycle Transport ipaubos sa ODD-EVEN SCHEME,
– SOCIAL/PHYSICAL DISTANCING strikto pa gihapon:
– Tricycle tuyo ra itugot na pasahero,isa sa front seat, duha sa likod;
-Multicab, pito ka pasahero, isa front seat unom sa likod, tuyo-tuyo sa kada side,
– MOTORCYCLE Backride tagdili, Habal-habal padajon na tagdili gihapon,
– Private Cars isa sa front seat, duha sa back seat, sa may extension duha sad ka pasahero
– Mass Gatherings dili pa gihapon itugot,
– SOCIAL AMELIORATION 5,931 ka benepisaryo nakadawat nan tag 5k sa 51 ka barangay, magpadajon pagpanhatag sa nabilin 3 ka barangays, mosunod isab an pagpanhatag sa second priority pagka kumpleto sa first round,
– 1,390 Rice Farmers nakadawat tag 5k sa RFFA nan Dept of Agriculture pinaagi sa City Agriculture Office,
– Mga pasaheruan na mga lantsa dili pa anay pabalikon sa boulevard pagdunggo, padajon ini sila sa suyod nan ppa port sanan Bilang-bilang “basin.” (Jhino Parrucho, Ronda 10 RPN DXKS)
