DAVAO CITY – Gilauman karon ang posibleng paglambo sa Mariculture Production sa Probensiya sa Davao del Norte ilabi na sa ikaduhang distrito kini human ang plano ni Congressman Allan Dujali nga mogahin ug igong pundo aron masuportahan ang mga mananagat sa distrito.
Ang pahayag ni Congressman Allan Dujali gipagula una pa man kini mibisita sa Brureau of Fishiries and Aquatic Resources sa Probensiya sa Pangasinan dili pa lamang dugay.Gawas sa BFAR Pangasinan, gibisita usab sa kongresista ang Dagupan Seafoods Processing Complex nga usa ka proyekto nga gitambayayongan sa Kagamhanan sa Pilipinas ug Nasud Korea.
Gihisgutan sa mga opisyal sa Bureau of Fishiries and Aquatic Resources kauban si Kongresman Allan Dujali ang mga teknolohiya ug mga pamaagi sa pagpalambo sa industriya dili lamang sa Milkfish kundi lakip usab ang Mudfish ingon man ang African Freshwater cichlid kun mas naila nga Tilapia.
Human ang maundanong panaghisgot, gilauman karon ni Kongresman Allan Dujali nga dako kining ikatabang sa dul an 300 ka mga fish cages sa syudad sa Panabo aron katabangan usab ang panginabuhian sa mananagat sa ikaduhang distrito ug tibuok probensiya sa Davao del Norte.
