Unang batch ng mga Pinoy na sumailalim sa repatriation mula Iraq inaasahang makauuwi ngayong Miyerkules —DFA

Inaasahang darating na sa bansa ngayong hapon ang unang batch ng mga Pilipinong sumailalim sa repatriation mula sa Iraq.

Ang nasabing batch, ayon sa Department of Foreign Affairs (DFA), ay dalawang grupo ng mga Pinoy mula sa Baghdad at sa Erbil.

Binubuo ng siyam na Pilipino kung saan –dalawa ang menor de edad, sa unang grupo galing sa Baghdad at dapat ay nakabalik na ng Pilipinas kahapon pa, subalit hinarang ng Iraqi Immigration Officials sa Baghdad International Airport dahil sa umano’y visa fraud.