Ang buhatan sa Community Environment and Natural Resources Office (CENRO) sa Manukan nagpasiugda sa Communication, Education, and Public Awareness (CEPA) Campaign sa Barangay Tinaplan, Sindangan, Zamboanga del Norte.
Kini dungan sa pag saulog sa International Earth Day 2024 nga adunay tema nga “Planet vs Plastics,”diin kini usa ka kampanya nga nagtumong sa pagpataas sa kahibalo ug pagpalambo sa kooperasyon alang sa pagpanalipod ug pagpreserba sa natural nga kahinguhaan.
Ang maong kalihokan gisalmotan sa 113 ka mga indibidwal gikan sa Junior/Senior Highschool nga mga estudyante sa Tinaplan Integrated,ug mga opisyal sa Barangay Local Government Unit (BLGU) ,diin sila nalamdagan ug gihatagan og gahum sa paghimo og makahuluganon nga mga aksyon ngadto sa pagpanalipod sa kinaiyahan ug pagsulbad sa mga isyu sa hingtungdan.
Si Barangay Chairman Hon.Danilo Dablo ug kauban sa team, mihatag og mubo nga mensahe,diin ang PD 705,gipresentar niini nga usa ka Revised Forestry Code of the Philippines, nga nagpasiugda sa kamahinungdanon sa malungtarong pagdumala sa kalasangan.
Sa samang higayon, si Tinaplan Integrated High School Principal II Editho D. Hisoler mipaambit usab ug mainitong pag-abiabi sa tanang partisipante ug mipadayag sa iyang pasalamat sa pagpili sa ilang eskwelahan isip venue sa mga kalihokan sa CEPA.
Samtang ang Manukan CENR Officer George E. LaoLao mihatag ug pakigpulong nga nag-awhag sa mga partisipante sa pagdawat sa ilang mga tahas isip mga tigdumala sa kinaiyahan, pagpasiugda sa kamahinungdanon sa nagpadayon nga mga paningkamot sa kinaiyahan. (Medalyn U. Borja)
(Source: DENR Zamboanga Peninsula)
