Pagasugdan na karong adlaw nga Lunes, Mayo 6 hangtod sa Byernes, Mayo 10 ning tuig,ang “SOCIAL PENSION PAY-OUT” sa mga senior citizens ning dakbayan sa Dipolog.
Kini kalabot sa talamdan nga pinirmahan ni Acting City Social Welfare and Development Officer, Mr. Patrick S. Jalapadan sa buhatan sa City Social Welfare and Development.
Nasayran nga gilangkuban sa 4 ka managlahing teams sa hingtungdang buhatan nga maoy mag giya sa dungang “payout” sa matag barangay, aron sa pagpadali niini.
Usa ka pamaagi aron di maglisod sa pagkuha ang mga kaigsuonang edaran sa nasangpit nga payout.
Ang hingtungdan,nag awhag nga makig alayon sa ilang matag barangay ang mga kaigsuonang senior citizens alang sa dugang pa nga kasayuran ug impormasyon kalabot sa pay out niini. (Medalyn U. Borja)
(Source: Dipolog City Government)