Umano’y ‘’exodus’’ ng mga residente ng Tulunan, Cotabato patuloy dahil sa sunod sunod na lindol

Patuloy ang di umano’y ‘’exodus’’ ng mga residente ng Tulunan, Cotabato dahil sa sunod sunod na lindol na tumama sa lugar.

Marami sa mga residente ang natatakot nang bumalik sa kani kanilang tahanan dahil sa pangambang bumagsak ang mga ito dahil sa malalakas na aftershocks.

Sa Kidapawan at Makilala, Cotabato, nagtayo na lamang ng tent o tolda malapit sa kanilang mga tahanan ang mga residente upang doon matulog.

Hanggang kagabi ay halos nasa 500 na ang bilang ng aftershocks na naitala sa Cotabato at iba pang lugar na niyanig ng lindol.